Strès i e Serebro

Kon Meditashon Trasendental por baha strès i mehorá funkshonamentu serebral.

Kon strès ta hasi daño na e serebro

Strès, preshon, kansansio, kome malu, alkohòl, i droga ta daña konekshonnan neuronal di e serebro entre e kortex prefrontal – osea Direktor Ehekutivo – i sobrá di e serebro. Ora bo ta demasiado kansá òf bou di strès mental òf físiko intenso, e serebro ta desviá di su sirkuitonan ehekutivo frontal rashonal ku ta esnan mas haltu i mas evolushoná. Komo konsekuensia, bo ta respondé na demandanan diario sin pensa; bo ta tuma desishon impulsivo, foi un bista limitá. Ora e Direktor Ehekutivo retirá, emoshonnan fuerte, manera miedu i rabia ta tuma kontròl, pintando bo bista di mundo negativamente.

Kon MT ta optimalisá e serebro

E téknika pa baha strès, no-religioso di Meditashon Trasendental (MT), ta duna eksperensia di sosiegu alerto, ku ta baha strès, fortifiká komunikashon entre cortex prefrontal di e selebre i diferente area di e serebro, i ta desaroyá funkshonamentu kompletu di e serebro. Komo resultado, e praktikadó di Meditashon Trasendental ta mustra funkshonnan ehekutivo mas fuerte, ku mas pensamentu ku propósito i toma di desishon ku vishon pa futuro. Ora e Direktor Ehekutivo ta kompletamente presente, e respuesta emoshonal na mundu ta mas balansá i apropiá.

Funkshonamentu ehekutivo débil

  • Pensamentu débil
  • Komportashon impulsivo, reaktivo
  • Toma di desishon ku bista limitá
  • Memoria di trabou pober
  • Atenshon distraí
  • Abusu di droga i alkohòl
  • Pensamentu i aktuashon no-étiko

Funkshonamentu ehekutivo fuerte

  • Pensamentu fleksibel, ku propósito
  • Komportashon pro-aktivo, no-impulsivo
  • Toma di desishon ku vishon pa futuro
  • Memoria di trabou ekselente
  • Atenshon fihá, enfoká
  • Sin abusu di droga of adikshon
  • Pensamentu i komportashon étiko

Fisiologia di strès

  • Kansansio
  • Preshon haltu
  • Problema ku kome i drumi
  • Sistema inmunológiko débil

Fisiologia salú

  • Energia i vitalidat
  • Sistema kardiovaskular adekuá
  • Fisiologia balansá
  • Funkshonamentu imunológiko fuerte

Emoshon no-balansá

  • Outo-estima i outo-konfiansa abou
  • Preokupashon, ansiedat, i miedu
  • Emoshon superfisial i partí
  • Relashon no stabil
  • Depreshon

Emoshon balansá

  • Outo-konfiansa i outo-estima sigurá
  • Sintimentu di seguridat i pas
  • Kompashon i empatia pa otro
  • Relashon interpersonal saludabel
  • Felisidat i optimismo

Investigashon Sientífiko

Investigashon riba funkshonamentu serebral