Trasendé ta Base di Iluminashon

Normalmente hinter dia nos ta eksperensiá e nivel di pensa aktivo di tur dia ku ta semper okupá. Ora nos praktiká Meditashon Trasendental nos ta eksperensiá un estado kaminda e mente ta kompletamente den silensio, pero tòg kla lantá.

Trasendé ta nifiká "bai mas aleu", i esaki ta e estado trasendental: e mente a bai mas aleu di tur aktividat. Esaki ta un eksperensia di e Ser interior, ku ta pas perfekto.
Trasendé ta natural i ta un eksperensia universal, konosí pa tur kultura, sinembargo, e ta sosodé masha poko i usualmente pa kasualidat. Meditashon Trasendental ta ofresé un método sitemátiko pa trasendé ku kualke hende por praktiká.
Sin e eksperensia aki di trasendé, nos tin akseso solamente na e fase di bida ku ta kambia kònstantemente. Nos pensamentu, emoshon, plannan, memoria – tur kos ta kambia konstantemente. No ta straño ku nos por sinti nos mas i mas separá i isolá for di e kalidat interior di bida ku no ta kambia – e Ser.
Hopi biaha hendenan ta raportá ku ora nan siña Meditashon Trasendental, nan ta sinti nan mas konektá, den mas harmonia ku nan mes, ku mas plenitut i mas felis.

E deseo pa konosé bo mes.

E deseo pa konosé bo mes i komprondé bo konekshon ku universo ta natural. Pa siglonan kaba, ela inspirá santu i sabionan pa bai paden buskando iluminashon. Ora mayoría hende puntra tokante Meditashon Trasendental, nan ta buska e benifisionan simpel i práktiko di tur día ku e práktika ta trese.
Sin embargo tin tambe esnan ku ke siña Meditashon Trasendental pa motibunan ku por ta difisil pone den palabra, pa outo-konosementu, outo-konsiensia, pas interior, desaroyo spiritual i iluminashon. Tur esna'i ta motibu mesun válido pa siña, i ta, den sierto sentido, eksaktamente lo ke Meditashon Trasendental ta ofresé.
Meditashon Trasendental ta duna akseso na e silensio profundo di e ser interno ku ta profundo den tur hende. Ku práktika regular, e estado di pas i felisidat di e eksperensia interno ei ta integrá di un manera natural den bida diario hibando nos na un bida iluminá ku un kurason, mente i alma kompletamente desaroyá.