Bo preguntanan tokante Meditashon Trasendental

Q: Kuantu tempu e ta kita for di mi día?

A: Binti minüt, dos bia pa día. Hopi bia por akomodá esaki sin realmente kambio di rutina. Mas aleu hopi bia hendenan ta haña ku e energia ekstra i klaridat ku nan a gana for di Meditashon Trasendental en realidat ta laganan skapa tempu.

Q: Tur hende por siña? Ami no por tene mi mente ketu.

A: Tur hende por praktiká Meditashon Trasendental. E téknika ta laga aktividat di e mente trankilisá di un forma natural te ora e keda ketu, pero tòg kla-kla lantá. E ta asina simpel.

Q: Lo tuma hopi tempu promé mi kuminsa haña benefisio?

A: Nò. Benefisionan a largo plaso di meditashon regular ta akumulativo, pero meditadornan nobo hopi biaha ta nota ku nan ta mustra i sinti mihó kasi inmediatamente.

Q: For di unda Meditashon Trasendental a bini?

A: E konosementu di Meditashon Trasendental a keda tené bibu i puro den e tradishon Védiko di India, e tradishon di konosementu mas bieu na mundu. Maestronan Védiko a pasa e konosementu aki di generashon pa generashon durante miles di aña.
Mas o menos 50 aña pasá, Maharishi – representante di e tradishon Védiko den nos era – a introdusí Meditashon Trasendental na mundu, i a restourá e konosementu i eksperensia di estadonan mas haltu di konsiensia na e momentu krítiko aki pa humanidat. Ora ku awe nos duna lès di Meditashon Trasendental, nos ta mantene e mesun preseduranan ku semper nan a huza pa efektividat máksimo.

Q: Lo mi bira asina trankil ku nada no ta importá mi mas i ku no ta kuminí mi?

A: No. Nò. Hendenan den posishon ku ta karga responsabilidat ku kuminsa ku Meditashon Trasendental ta ripará ku eliminashon di strès ta duna nan klaridat, perspektiva i vigor. Pa no menshoná e hopi benefisionan di salú i mihó relashon ku amigu i famia.

Q: Lo mi tin ku studia hopi?

A: Di niun manera. E práktika di Meditashon Trasendental no ta eksigí esfuerso intelektual. Lo splika durante e kurso tur loke bo mester sa den un lenguahe simpel.

Q: Lo e interferí ku mi kreensia eksistente?

A: Nò. Meditashon Trasendental ta un téknika simpel ku ta yuda relahá, ta aliviá strès i ta duna energia físiko i mental. E práktika no ta den konflikto ku niun kreensia eksistente, religion òf di otro manera; i tòg na mes momentu hopi bia hende ta haña ku meditashon regular ta duna klaridat i perspektiva di nan aspirashonnan di mas haltu.

Q: Mi tin historial di un mal salú. Mi por meditá sin peliger?

A: Si, e ta kompletamente fuera di peliger. Klaro, si bo ta tuma tratamentu médiko nos ta rekomendá pa bo sigui tuma konseho di bo dòkter.
Insidentalmente, un kantidat grandi i kresiente di profeshonal di salú ta tantu praktiká Meditashon Trasendental komo rekomend'é na nan pashèntnan.
E benefisionan pa salú ta di gran alkanse i a keda eksaminá rigurosamente den literalmente sentenares di publikashon prestigioso médiko.

Q: Pero al final, e ta realmente kompatibel ku un estilo di bida moderno Oksidental?

A: Apsolutamente! De fakto mas okupá nos bira, mas importante ta pa nos tuma tempu pa sosegá di un manera apropiá – pa rekargá nos bateria.