Drecha Relashon

Meditashon Trasendental ta kontribuí na relashonnan mas eksitoso i satisfaktorio i e ta subi nos abilidat pa duna mas, di un manera positivo.

Tur relashon eksitoso ta basá riba duna. Pero nos por duna solamente loke nos tin. Hopi biaha na final di un día okupá nos reservanan di energía ta agotá i no a sobra nada pa famia i amigu. Relashonnan inevitablemente ta sufri.

Meditashon trasendental ta redusí strès i tenshon, un opstákulo grandi pa bon komunikashon i ta desaroyá un personalidat mas madurá i tolerante. A haña sa ku MT tambe ta desaroyá konsiensia mas amplio, mas felisidat, i sintimentu i emoshonnan mas rafiná. Tur eseinan ta resultá den un personalidat mas positivo i kaluroso, kapas pa disfrutá di relashonnan mas profundo i un bida personal mas riku.

Sòru promé pa bo mes

E tiki minüt dediká tur día kuidando nos mes pa medio di praktiká Meditashon Trasendental, ta subi nos kapasidat pa rospondé na nesesidat di famia, amigu i kolega.
Atraves di e proseso simpel aki di permiti e mente trankilisá i yega na nivelnan mas ketu i eksperensiá un estado di sosiegu alerto kaminda e kurpa ta profundamente sosegá i e mente kompletamente alerto, strès profundamente pegá i kansansio ta keda eliminá di un manera natural.
E estado úniko aki ta produsí nivel hopi haltu di koherensia osea orden den funkshonamentu di e serebro, loke ta resultá den eksperensia di mas pas, mas harmonia, mas klaridat mental, i e abilidat di mira kos den su perspektiva. Agregando e eksperensia relahante di Meditashon Trasendental na bo rutina diario, pas interior ta krese. Komo resultado di e mente mas trankil, hendenan ta raportá ku nan ta sinti menos strès i preshon na kas i na trabou.
Semper ta berdat ku si nos ta mas positivo i habrí ku otro hende, nan tambe ta bira mas habrí i positivo ku nos. Dje manera ‘ki, e desaroyo interior produsí pa Meditashon Trasendental ta keda reflehá den tur tipo di relashon mas balioso – di trabou, di famia òf sosial.
E benefisionan individual di Meditashon Trasendental tin implikashon importante riba sosiedat tambe. Ora individuonan bira menos di strès i ta huza mas di nan potensia kreativo, di un manera natural nan ta kontribui mas positivo na sosiedat.