Meditashon Trasendental. Un Téknika Mental Simpel

Kualke persona por praktiká Meditashon Trasendental.

Meditashon Trasendental ta un téknika mental simpel, ku ta duna mente i kurpa un kalidat di sosiegu úniko. E téknika ta laga aktividat di mente trankilisá di un manera natural te ora e keda ketu, pero tòg kla-kla lantá. E ta disolvé strès i kansansio di un manera natural, ku komo resultado mas energia, klaridat i plaser den bida.

I bo por mustra i sinti mihó mes ora

Resultado a largo plaso di práktika regular di Meditashon Trasendental ta akumulativo, pero meditadornan nobo hopi biaha ta ripará ku nan ta mustra i sinti nan mihó kasi inmediatamente. Meditashon Trasendental lo no interferí ku bo kreensia eksistente – e ta un téknika mental simpel. E práktika no ta drenta den konflikto ku ningun kreensia, religion òf di otro manera; tòg na mes momento, hendenan hopi biaha ta haña ku meditashon regular ta duna klaridat i perspektiva na nan aspirashonnan di mas grandi.