Pas Interior: Un Eksperensia di Mente-Kurpa

E estado di sosiego alerto profundo eksperensiá durante Meditashon Trasendental ta relahá e kurpa i ta permitié saka strès i kansansio akumulá.

Ora bo sistema nervioso ta menos tenshoná, bo por reakshoná ku mas kalmu riba e problemanan ku ta surgi. No ta sufisiente pa bisa bo mes ku bo tin pas interior. Bo mester eksperensi'é den e fisiologia.

Agregá meditashon na bo rutina diario

Pas interior berdadero ta e sentido di kalmu i sentralidat nesesario pa ta efektivo den e mundo okupá di awendia. Den deporte nan ta yam'é E Zona, kaminda un atleta ta funshoná for di su máksimo rendimiento, mientras e ta keda mantené un punto di bista kalmu i kompletu. Bo no tin nodi retirá bai na un kabe'i seru pa haña pas interior. Djis praktiká Meditashon Trasendental dos biaha pa día.

Agregando e eksperensia kalmante di Meditashon Trasendental na bo rutina diario, pas interior ta krese. Ta meskos ku e manera ku antes nan tabata tinsha paña – nan ta keda hink'é den tinsha i lag'é blikia bèk después den solo te ora e koló stabilisá. Meskos asina interkambiá MT i aktividat ta produsí rápidamente un estado kaminda ku nunka lo bo ta tapá bou di un situashon di strès. No ta importá ki problema surgi, bo ta enfrent'é ku un estado mental fuerte i stabil.