Dikon insistí pa maestronan sertifiká di Fundashon Maharishi®?

Maestronan aprobá a keda sertifiká pa Maharishi Vedic Institute®, un kuerpo di outo-regulashon profeshonal ku ta mantené e nivel di enseñansa na hinter mundu.

Na Kòrsou tabatin kurso di Meditashon Trasendental for di 1975 ora ku Maharishi Mahesh Yogi a manda profesor Robert Croughs bini Kòrsou. Fundashon Maharishi na Kòrsou ta afiliá na un ret mundial di organisashonnan sin fin di ganashi ku ta outorisá pa Maharishi pa entrená i sertifiká maestro.

Fundashon Maharishi no solamente ta organisá kurso pa siña Meditashon Trasendental pero tambe tin hinter un programa di mas aña pa sigui huntu ku un totalidat di téknika avansá i kursonan diseñá pa Maharishi pa mayor desaroyo di konsiensia posibel. Niun otro organisashon òf individuo na Kòrsou no ta outorisá pa siña hende Meditashon Trasendental, e téknikanan avansá di Meditashon Trasendental, i e programa di Sidhi di MT, fundá pa Maharishi Mahesh Yogi.